Xhelal ef. Xhemaili:"Haxhi kushti i pestë i islamit"- I

Haxhi kushti i pestë i islamit- I
Hutbe: Nga Xhelal ef. Xhemaili
Falënderimi qoftë për Allahun,Krijuesin e botërave.Shpëtimi dhe paqa qofshin mbi të Dërguarin e Tij, Muhamedin s.a.v.s. gjithashtu mbi familjen e tijë fisnike,mbi shokët e tijë të zgjedhur si dhe mbi të gjithë ata që e ndjekën rrugën e pejgamberit s.a.v.s. dhe do ta ndjekin deri në ditën e gjykimit.Allahu xh.sh. qoftë i kënaqur me ne dhe me ata.
Vëllezër besimtarë! Dita ditës po na ofrohet koha-muaji në të cilin kryhet kushti i pestë i islamit haxhi.
Haxhi është farz dhe është njëri nga pesë kushtet e Islamit,i cili është krejtësishtë i barabartë me kushtet tjera të islamit.Këtë e dëshmon Kur’ani Famëlartë,gjithashtu e vërtetojnë edhe shumë hadithe të pejgamberit s.a.v.s.,si dhe konsensusi i dijetarëve islamë.
Allahu i Madhëruar në ajetin 97 të sures Ali Imran thotë: “Aty ka shenja të qarta: vendi i Ibrahimit,dhe kush hyjn në te,ai është i sigurt.Për hir të Allahut,vizita e shtëpisë (Qabes) është obligim për atë që ka mundësi udhëtimi tek ajo,e kush nuk e beson; Allahu nuk është i nevojshëm për (ibadetin që bëjnë) njerëzit”.(Ali Imran 97).
Këtë e vërteton edhe hadithi i njohur i pejgamberit s.a.v.s. ku thotë: “Islami është ngritur mbi pesë shtylla: shqiptimi i shehadetit, falja e namazit, dhënia e zekatit, agjërimi i Ramazanit dhe shkuarja në haxh kush ka mundësi”.(Buhariu dhe Muslimi).
Haxhi është farz për myslimanin një herë në jetë,dhe është bërë obligim në vitin e nëntë të hixhretit.
Pejgamberi s.a.v.s. njëher u drejtua disa njerëzve dhe u tha: “O ju njerëz! U është bërë obligim haxhi,kryejeni atë. Një njëri i tha: a për çdo vit? Sikur të thosha po, do t’u obligohet dhe nuk do të mundnit ta kryenit”.( Muslimi). Mëtutje vazhdoi pejgamberi s.a.v.s. duke thënë: “Haxhi është obligim një herë,e nëse dikush shton, ai është vullnetar”. (Ahmedi, Ebu Davudi, Ibën Maxhe).
Myslimani nëse i plotëson kushtet duhet të shpejtojë në kryerjen e haxhit sipas mundësisë.Nëse e vonon kryerjen e haxhit pa arsye,bën gjunah.Në lidhje me këtë thuhet në një hadithë të pejgamberit s.a.v.s: “Shpejtoni në kryerjen e haxhit,sepse askush nga ju nuk e di se çfarë mundë t’i ndodhë”(Ahmedi, Ebu Davudi, Ibën Maxhe).
Vëllezër besimtarë! Shtrohet pyetja cili është nga ne ai që e ka të garantuar jetën në ketë botë dhe i cili mendon se vitin e ardhshëm do të jetë gjallë dhe do ta e kryen këtë obligim të haxhit.Mesiguri se asnjëri nga ne nuk kemi kurfar garance,këtë e dinë vetëm Allahu i Lartësuar,Krijuesi ynë dhe i botërave.
Vëllezër besimtarë! Haxhi ka vlerë të madhe në disa aspekte,e sidomos në atë anën shpirtërore.Dijetarët islam haxhin e konsiderojn si kongres i mbarë islamik,sepse aty takohen muslimanët e mbarë botës, njoftohen në mes veti dhe këmbejn mendimet e tyre për shumë çështje.Për vlerën e haxhit flasin shumë hadithe,ndër të cilët është edhe ky: “E kanë pyetur Pejgamberi s.a.v.s: „Cila punë është më e mira?Ai është përgjigjur: Besimi në Allahun dhe në pejgamberin e Tij. Pastaj cila? Lufta në rrugë të Allahut, është përgjigjur. Pastaj cila? Haxhi i pranuar”. ( Buhariu).
Vëllezër besimtarë! Hutben e sodit do ta e përfundojmë me ajetin Kur’anor ku Allahu xh.sh. thotë: “Dhe thirr ndër njerëz për haxh,se të vijnë ty këmbësorë, edhe kalorës me deve të rraskapitura që vijnë prej rrugëve të largëta. (vijnë) Për të qenë të pranishëm në dobitë e tyre dhe ta përmendin Allahun në ato ditë të caktuara”...(el-Haxhxh 27-28).
Këto ditët e caktuara që përmenden në fundë të ajetit Kur’anor,dijetarët islam janë të mendimit të njejtë se koha e haxhit është:në muajt Sheval, Dhul-kide,si dhe nëntë ditët e para të muajit Dhil-hixh-xhe.Kurse sa i përket umres ajo mund të kryhet gjatë tërë vitit dhe është sunneti-muekkede i fortë.
Vëllezër besimtarë! Haxhiu i cili e kryen haxhin krejtë në rregull pa gabime ai ka shpërblim të madh nga Krijuesi i tijë,çka është më me rëndësi se ai e meriton faljen e gjunaheve,poashtu fiton kënaqësin e Allahut,këtë e arrin haxhiu nëse është i devotshëm duke i praktikuar urdhërat e Allahut dhe ai largohet nga të gjitha ndalesat e Tij.D.m.th.nuk ka dobi më të mirë se pastrimi i haxhiut nga gjunahet dhe kthimi i tij sërish në gjendjen që e lindi nëna e tijë.Këtë e vërteton hadithi i pejgamberit s.a.v.s.ku thotë se:“Ai i cili e kryen haxhin krejt në rregullë të pranuar te Allahu,dhe kthehet në shtëpi pa gabime.ai pastrohet nga gjunahet sikur të e ketë lindur nëna e tijë”.
Vëllezër besimtarë! Pra edhe ne duhet ti japim rëndësi të veçantë kryerjes së haxhit si kushtë i pestë i islamit i cili për fat të mirë na e mundëson neve që të pasatrohemi nga gjunahet tona kuptohet nëse e kryejmë këtë obligim krejtë në rregull pa gabime,sepse duhet të jemi të kujdesshëm gjatë kryerjes së këtijë obligimi për ate se haxhiu has në shumë probleme dhe vështirësi të mëdha gjatë kryerjes së haxhit.Pejgamberi s.a.v.s. në një hadith thotë:”Haxhi është xhihad-luftë”.Luftë ku nuk vriten njerëzit,por këtu e ka qëllimin,mundimet dhe vështirësitë që i përjeton haxhiu janë metëvërtet të mëdha,dhe duhet patjetër të bëj sabër.Haxhiu kur të bëhet nijetli për të shku në haxh para se të niset në bagazhin e tijë duhet të merr me vete shumë gjëra e sende e më shumë duhet të merr sabër,sepse sabri është shumë i nevojshëm për haxhiun,për ate se pa sabër ai nuk do të mundë ta kryej këtë obligim ashtu si duhet pa gabime.
Në fundë vëllezër të nderuar! I falemenderohemi Allahut xh.sh. që na bëri pjestarë të islamit dhe muslimanë të sinqertë e njiherit edhe ummet i zgjedhur i pejgamberit më të dashur Muhammed mustafas s.a.v.s.
I drejtohemi me dua-lutje Allahut Fuqiplot! O Zoti ynë na e bën të mundshme kryerjen e kushtit të pestë haxhit,dhe na bën prej atyre që do të na pranohet tek Ti O i Madhi Allah,Krijues i botërave dhe mbykqyrës i çdo sendi..
O Zot ynë! Hidh paqë e mëshirë mbi të dashurin dhe më të zgjedhurin pejgamber Muhammedin s.a.v.s,si dhe mbi familjen, shokët, pasuesit e tij të sinqert dhe mbi të gjithë ata të cilët të pranuan Ty si Zot të vetëm, Islamin si fenë më të dashur dhe Muhamedin si pejgamber. Vetëm Ty të adhurojmë dhe vetëm prej Teje ndihmë e mëshirë kërkojmë. Pranoje ibadetin dhe adhurimin tonë dhe na i fal gjunahet tona,sepse na jemi robë të dobët të cilët gabojmë.
E lusim Allahun xh.sh. që të falë rahmet mbi neve mbi familjet tona,dhe mbi të gjithë muslimanët ku do që ata jetojnë dhe veprojnë.Amin

Xhelal ef.Xhemaili: "Xhemaati simbol i dashuris së vërtetë"

Xhemaati simbol i dashuris së vërtetë

Hutbe:Nga Xhelal ef. XHEMAILI

Falenderimi i takon All-llahut xh.sh.Krijuesit të gjithësis. 0 Zot, fale krijesën më të ndershme, Muhammedin alejhis-selam.Përshëndetjet tona qofshin për njerëzit e Tij të zgjedhur dhe të devotshëm. Dëshmoj se nuk ka Zot tjetër pos All-llahut xh.sh. Dëshmoj se Muhammedi s.a.v.s.është rob dhe i dërguar i Tij.

Vëllezër besimtarë! Me ndihmën e Allahut Fuqiplot në hutben e sodit do të folim diçka në temën Xhemaati simbol i dashuris së vërtetë.Këshilla e parë që po ia lë vetes dhe ua përcjelli edhe juve është se ne duhet ti frigohemi Allahut xh.sh. në çdo kohë dhe çdo situatë.

Takvallëku-devotshmëria,është vasijet dhe amanet i Allahut gjeneratave të tashme dhe gjeneratave të mëparshme “Ne atyre të cilëve u është shpallur libri para jush,edhe juve u kam urdhëruar që Allahut ti frigoheni”.

I falemenderohemi Krijuesit Allahut xh.sh. që na fali në fenë e pastërt dhe që na bëri ummeti i zgjedhur i pejgamberit Muhammedit s.a.v.s. e cila fe ia tregon dhe ia sqaron njeriut rrugën e drejtë,rrugën e shpëtimit dhe të fatbardhësis në të dy botërat.Islami është fe e cila tenton në aritjen e të drejtave të njeriut,mbrojtjen e fesë,mbrojtjen e jetës,pasurisë dhe mendjes.Me nji fjalë është fe e pastërt nga çdo lloj të terorizmit,armiqësive dhe zullumeve të ndryshme,që për fatë të keq islami sot akuzohet nga disa që aspak nuk e njohin islamin.Islami para së gjithash është fe e paqës,mëshirës dhe tolerancës ndërnjerëzore. Allahu xh.sh. e dërgoi pejgamberin Muhammedin s.a.v.s.me mesazh të qartë,duke i thënë:“O muhammed të kam dërguar vetëm si rahmet-mëshirë për tërë botën”.E dërgoi i Plotfuqishmi Allah si mëshirë dhe shpëtim,që ti udhëzoj njerëzit në besimin e pastërt islam dhe ti nxjer nga erësira e besimit të kot në idhuj,të cilët i regullonin me duart e veta dhe u besonin.Pejgamberi s.a.v.s. i thirte njerëzit në tevhid-besim në një Zot dhe në vllazërimin dhe bashkimin e muslimanëve.Kur’ani,sunneti poashtu edhe historija na dëshmjnë se nëqoftë se ummeti islam i përmbahet fesë së vet do të kenë shtet stabil,do të gëzojnë autoritet dhe do të jenë të fuqishëm.Në anën tjetër nëse nuk e respektojnë fen dhe regullat e saj,atëhere do të jenë të humbur,dhe lirishtë mundë të pohojmë se mu kjo është shkas për stagnimin e muslimanëve në çdo drejtim. Në një hadith pejgamberi s.a.v.s.thotë: “ Mbahuni xhemaatit,sepse ajo dele që ndahet nga kopeja e vet ate e han ujku”.Muhammedi s.a.v.s. na e bën të qartë duke na e tërhekur vërejtjen se duhet ti lidhemi ngusht xhemaatit dhe mos të ndahemi.Sepse fjala xhemaat d.m.th. grup apo bashkësi njerzish të tubuar në xhami i cili i mbron qëllimet dhe interesat e veta të përbashkëta.Vet fjala xhemaat simbolizon bashkim dhe mirëkuptim shoqëror.Allahu xh.sh. në suren Ali Imran ajeti 105 thotë: “ Të gjithë ju kapuni për litarin e Allahut ( Fen dhe Kur’nin) dhe mos përçaheni”.(Ali Imran,105)

Vëllezër besimtarë! Musliman i mirë është ai i cili është aktiv punon mirë dhe sillet mirë me familjen me të afërmit dhe me bashkësin-xhemaatin ku jeton dhe ku vepron.Thotë pejgamberi s.a.v.s. në hadithin e tijë të njohur: “ Musliman i vërtet është ai nga dora dhe gjuha e të cilit janë të rahatshëm-mbrojtur muslimanët tjerë”.(Buhariu dhe Muslimi)

Gjithashtu pejgamberi s.a.v.s.thotë: “ Muslimani për muslimanin është vëlla,nuk i bën keq,nuk e nënçmon,nuk e le të vetmuar dhe nuk e mashtron”.(Buhariu dhe Muslimi)Bashkësia islame është institucioni i vetëm kryesorë i cili i mbron të gjittha interesat e muslimanëve,dhe gjithësesi ai që dëshiron të mbrohet dhe të ruhet si musliman patjetër duhet dhe e ka për obligim të jetoj në bashkësi apo në xhemaat,duke kontribuar me aktivitetet e tija si ato materijale-ekonomike poashtu edhe ato shpirtërore.Nëse ne vet nuk i ndihmojmë bashkësis-xhemaatit ku jetojmë,atëhere nuk ka perspektivë për këtë ummet.Duhet më shumë të shiqojmë interesin e përgjithshëm shoqëror nga ai individual.

Vëllezër besimatrë! Muslimani e ka reptësishtë të ndaluar të miret dhe ta humb kohën me të metat e huaja,sepse këtë e ndalon Kur’ani Kerijmë,por edhe shumë hadithe të pejgamberit s.a.v.s.Allahu xh.sh. në suren En-Nahl,ajeti 97,thotë: „Kush bën vepër të mirë, qoftë mashkull ose femër, e duke qenë besimtar, Ne do t’i japim atij jetë të mirë (në këtë botë), e (në botën tjetër) do t’u japim shpërblimin më të mirë për veprat e tyre.”(En-Nahl,97)Muslimani e ka patjetër të kujdeset për xhematin dhe bashkësin ku jeton,me ate do ta meriton që edhe të tjerët të kujdesen për te kur ai do të ketë më së shumti nevojë.

Vëllezër besimatrë! Xhemaati patjetër duhet të ketë imamin e vet i cili gjithsesi është më me shumë përgjegjësi për punën e xhemaatit të vet dhe së bashku me kryetarin dhe këshillin e xhamisë dhe të bashkësis inicojnë punën dhe ndikojnë në xhemaatin e vet që punët të kryhen sa ma mirë.

Vëllezër besimatrë! Xhemaati për të dhënë fryt dhe rezultat pozitiv duhet patjetër të ndikojë pozitivisht në gjeneratat e reja duke ua mësuar atyre islamin e vërtet dhe duke i edukuar ata mirë në frymën islame,që ata ti kryejn obligimet fetare dhe të vijnë në xhami të falin namazin me xhemaat të bëhen muezin dhe sipas nevojës edhe imam.Në fundë e lusim Allahun xh.sh. O Zoti ynë,i lutemi Madhërisë Tënde që të na i bashkojshë zemrat tona dhe të na udhëzojshë në rrugë të drejtë,në rrugën e atyre me të cilët Ti je i kënaqur.Amin

Xhelal ef. Xhemaili: "Morali islam dhe realiteti ynë i hidhur"

Morali islam dhe realiteti ynë i hidhur

Hutbe: Nga Xhelal ef. Xhemaili

Falenderimet i takojnë Allahut,Zotit të botërave.Vetëm Atij i falemi,Atij i nënshtrohemi dhe vetëm prej Tij kërkojmë ndihmë,që të na udhëzojë në rrugën e drejtë, në rrugën e së vërtetës.I falemenderohemi Allahut që na ka bë besimtarë musliman,dhe që na bëri ummet i Pejgamberit Muhamed s.a.v.s.Salatet dhe selamet qofshin për Muhammed mustafan,familjen e tij fisnike,mbi as-habët,dhe mbi të gjithë ata që e ndjekën dhe do ta ndjekin rrugën e pejgamberit s.a.v.s. deri në ditën e gjykimit.
Fëmijët tanë padyshim se janë pasuria jonë më e çmuar,por edhe provimi ynë dhe sprovë më e madhe për ne,dhe vetëm nga ne mvaret se sa do të jemi të pregaditun dhe të përgjegjshëm në detyrën tonë që na është besuar si përgjegjës.
Pejgamberi s.a.v.s. në një hadithë thotë: “ Ska gjë që peshon më rëndë në mijzan (peshojë në ditën e gjykimit) se sa morali i mirë (ahlaku) .” (hadith)
Nga besimtarët lypet dhe kërkohet që të ruhen dhe të mbrohen nga të gjitha negativitetet dhe zullumet e mundshme nga cilat ekziston rrezik i mundshëm për individin,për familjen dhe për shoqërin,e gjithë se si në radhë të parë imoraliteti dhe shkelja e principeve dhe normave etike në të cilat bazohet njerzimi.
I Plotfuqishmi Allah xh.sh thotë në ajetin 90 të sures En-nahl:
“All-llahu urdhëron drejtësi, bamirësi, ndihmë të afërmve, e ndalon nga imoraliteti, nga e neveritura dhe dhuna. Ju këshillon ashtu që të merrni mësim.”(En-nahl-90)
Allahu xh.sh. me kë ajeti kerijm urdhëron njerëzit,gjegjësishtë neve të jemi të drejtë,të bëjmë bamirësi,të ju ndihmojnë njerëzve e sidomos të afërmive tanë dhe gjithashtu na urdhëron Allahu xh.sh. që të mbrohemi nga imoraliteti apo nga të neveriturat dhe nga dhuna.Në këtë këshillë duhet të marim mësim.Mësim marin vetëm njerëzit e mençur të cilët me logjikën e tyre të shëndoshë dijnë të logjikojnë mirë.

Vëllezër besimtarë!
Shtrohet pyetja ku janë duke shkuar fëmijët tanë ?

Kohëve të fundit në vendet tona ku jetojmë ne muslimanët për fat të keqë ka marë një hovë të hatashëm rënja e moralit nga shumë të rinjë tanë.Kjo gjithësesi ndodhën nga shkaku se shumë prindë nuk janë të kujdesëshëm dhe të vetëdijshëm se çka po ndodhë me fëmijët e tyre,bile në faktë as që u intereson ardhmërija e fëmiut të vetë.
Një ndër të mirat e islamit është se kurgjë Allahu xh.sh. nuk ua ka ndaluar njerzve e në anën tjetër deri sa të mos e zavendësoj me diçka tjetër më të mirë,kështu që Allahu xh.sh. na i ndaloi të gjitha pijet alkoolike,drogën,dhe na dha neve njerzve pije më të mira për tu freskuar dhe për tu kënaqur dhe të cilat pije janë më të dobishëm për trupin dhe mendjen e njeriut.
Duhet të kemi angazhim të posaçëm në edukimin e fëmijëve tanë, kontrollin dhe mbykqirjen e tyre për çdo ditë,a shkojnë rregullishtë në shkollë apo jo,nëse jo atëhere ku sillen dhe ku shkojnë,dhe me këndë po shoqërohen.
Allahu xh.sh. në ajetin 6 të sures Et-tahrimë thotë: “ O jut ë cilët keni besuar,ruanja veten tuaj dhe familjen tuaj nga zjari i xhehenemit,lëndët djegëse e të cilit janë njerëzit dhe gurëzit…”(Et-tahrimë-6)
Vëllezër besimatrë! Sipas ajetit kur’anor ne jemi të obliguar ta ruajmë dhe ta mbrojmë vetveten dhe familjen tonë nga zjarri i xhehennemit e sidomos duhet ti ruajmë dhe ti mbrojmë fëmijët tanë,nga se ata shumë shpejtë mundin të devijojnë.
Te ne është përgjegjsia e madhe para Allahut xh.sh. se si do të sillen dhe si do të veprojnë fëmijët tanë dhe ata janë sprova e jonë në faktë a i kemi edukaur mirë në frymën islame.
Pejgamberi s.a.v.s. thotë: “Prindi nuk mundë ti lëne fëmiut të vetë gjë më të çmueshme dhe më të mirë se sa edukatën e mirë.” (hadith)
Çdo prind babë dhe nënë,nuk guxon ta lëne pas dore edukimin e fëmijëve të vetë.E kemi për obligim që ti përgaditim ata edhe me besim,e jo duke ua dhënë vetëm dynjanë e me anashkaluar ahiretin,d.m.th. duhet ti ushqejmë edhe nga ana shpirtërore e jo veç nga ana fizike dhe materiale,nëse dëshirojmë që nesër të jemi të lumtur,të gëzuar dhe të rehatshëm në të dy botrat,pra duhet ti edukojm femijët tanë. Mos harrojmë se femijët janë pasuria më e vleshme që posedojmë une dhe ti,ateherë pra ti ruajmë ata,ti edukojmë si është më së miri,të ua mbjellim dashurinë ndaj fesë,ndaj Allahut xh.sh. ndaj pejgamberit,duke menduar për një të ardhme më të mirë të tyre.Dhe në fundë e lusim Allahun xh.sh. që të na shpërblejë me të mirat e Tij në këtë botë dhe në botën tjetër.Amin.

Xhelal ef. Xhemaili: "Agjërimi i gjashtë ditëve të muajit shevval"

Agjërimi i gjashtë ditëve të muajit shev-val

Hutbe: Nga Xhelal ef. Xhemaili

I falemenderohemi Allahut xh.sh. Krijuesit të gjithësisë,.Salati dhe selami-shpëtimi dhe paqa e Allahut xh.sh. qoftë mbi të dërguarin Muhammedin s.a.v.s.gjithashtu mbi familjen e tij të pastërt dhe mbi shokët- as-habët e tijë besnik,Allahi xh.sh. qoftë i kënaqur me ne dhe me ata.
Vëllezër besimtarë! Allahu xh.sh. në Kur’anin Famëlartë thotë:”Kush vjen me nji punë të mirë,ai (në ditën e gjykimit) shpërblehet dhjetfish (me 10 sevape),e kush vjen me (vepër) të keqe,ai dënohet vetëm për të.Atyre nuk u bëhet e padrejt (Allahu nuk është zullumqar).”
Vllezër besimtarë! Muajin e bekuar të Ramazani sherifit e përcollëm me ibadete të ndryshme,dhe inshaallah Allahu xh.sh. na i ka bë kabull na i ka pranuTash jemi në muajin shev-val,edhe ate xhumaja e parë në ket muaj.Ky muaj është muaji i dhjet sipas kalendarit të hixhretit.Që muslimanët mos ta harojnë krejtësisht agjërimin dhe ta harojnë rrugën e ibadetit ne në vazhdim do të mundohemi që diçka të flasëm për hikmetin-mirësin e këtij muaji.
I dërguarii i Allahut Muhammedi s.a.v.s. në nji hadith ka thënë:
“Kush e agjëron muajin e Ramazanit,pastaj ja bashkangjitën edhe gjashtë ditët e shevvalit,atij i numrohet sikur me e agjëru tërë vitin”
Gjithashtu Muhammedi s.a.v.s. thotë në një hadith tjetër:”Allahu xh.sh e ka krijue qiellin dhe token në këta 6-ditët e shevvalit,kush i agjëron këto gjashtë ditë Allahu xh.sh. e shpërblen me sevape,sa krijesa ka në botë,dhe ja fshinë gjynahet të cilat i ka bë,dhe ja shton gradat në Ahiret”.
Vëllezër besimatrë! Nëse ne ibadetin e lëmë vetëm për në muajin e Ramazanit atëhere i ngjajmë shembullit,sikur të mbjellim një pemë dhe ti bëjm izmet ta ujitim nji kohë deri sa ajo pemë të gjelbërojë,e pastaj tia ndalim izmetin,ujitjen dhe ajo pemë vllezër mesiguri do të thahet,për ate se ia ndalim izmetin mu bashë atëher kur ka më së shumti nevojë për izmet.
Vëllezër besimtarë! Mos të ndodhë kjo edhe me ne,se nëqoftëse tash ndalemi dhe nuk i kryejmë ato ibadete që i kemi kryer për Ramazan,atëher nuk do të jenë rrezulltatet pozitive,sepse mundë të ndodhë që ne ta hidhërojm Allahun Fuqiplot dhe ta meritojm dënimin e Tijë.
Vllezër besimtarë ! Shtrohet pyetja a duhet të agjërohen këta gjashë ditë radhazi,apo ndamas me ndërprerje.Mund të agjërohen edhe radhazi pa ndarje,por mundet edhe të ndahen,por me kusht duhet të agjërohen mbrenda muajit sheval.
Vllezër besimtarë! Kët hytben e sodit do ta përfundojm me hadithin e pejgamberit s.a.v.s. ku thotë: ” Kush del prej Ramazanit me agjërim dhe kthehet prap ti agjëroje gjashtë ditët e shevvalit,ai i ngjan një njeriut që shkon në luftë (në rrugë të Allahut ) dhe përsëri kthehet në luftë për të luftuar.”
Vllezër besimtarë! I bëjmë dua-lutje Allahut fuqiplot që të na bën hidajet,të na udhëzoj neve dhe të gjithë muslimanët në rrugën e drejtë dhe të na mëshirojë me Rahmetin e Tijë të pakufishëm.Amin.

Xhelal ef. Xhemail:"Ramazani-Xhumaja e katërtë"

Ramazani-xhumaja e katërtë
I falemenderohemi Allahut xh.sh.krijuesit të gjithësis.Salati dhe selami (shpëtimi dhe paqa ) e Allahut xh.sh. qoftë mbi të dërguarin e fundit Muhammed mustafan vulën e të gjithë pejgamberëve.Gjithashtu edhe mbi familjen e tijë të pastër dhe mbi shokët as-habët e tij të zgjedhur si dhe mbi të gjithë ata që e ndjekën dhe do ta ndjekin rrugën e pejgamberit s.a.v.s. deri në ditën e gjykimit,Allahu xh.sh. qoft i kënaqur me ne dhe me ata.
Vëllezër besimtarë! Allahu xh.sh.në ajetin 185 të sures El-Bekare na drejtohet neve besimtarëve dhe thotë se ”Muaji i Ramazanit është ai në të cilin filloi zbritja e Kur-anit,i cili është udhërrëfyes për njerzit,dhe plot argumente të qarta për të dalluar të vërtetën nga jo e vërteta”.

Vëllezër besimtarë! Siç shihet dhe kuptohet nga ajeti Kur-anor,muaji i Ramazani bëhet i shenjtë dhe merr famë më të madhe nga se Allahu Fuqiplotë e zgjedh dhe e cakton kët muaj për zbritjen e Kur-anit,kushtetutës islame,e cila duke ofruar fakte të sakta mbi të vërtetën,ndihmon gjininë njerzore që të mundë të dallojë se çka është mirë dhe çka është keq,të dallojë të vërtetën prej asaj që është gënjeshtër (rrenë),të dallojë dritën prej errësirës.Kur-ani Famëlartë i zbriti pejgamberit tonë të dashur Muhammed s.a.v.s. në natën e 27-të Lejlei-Kadrit.,gjë të cilën e vërteton edhe vet Kur-ani Famëlartë në suren El-Kadër,ku Allahu xh.sh. thotë:“Ne filluam ta shpallim (Kur-anin) natën e Kadrit”.(El-Kadr 1)„E ç’të bëri ty të dijsh se çështë nata e Kadrit?“ (El-Kadr 2)„Nata e Kadrit është më e vlefshme se një mijë muaj!“ (El-Kadr 3)

Vëllezër besimtarë! Kur’ani Kerijm,kjo dritë e dhuruar prej Zotit të Madhërishëm e shpëtoi njeriun prej imitimeve të verbëta,e shpëtoi prej asaj paditurie,në të cilën padituri apo injorancë njeriu i pat humbur ndjenjat e veta shpirtërore personale,poashtu e kishte humbur vlerën e vetës së vet,familjes dhe të bashkësisë.

Vllezër besimtarë! Kjo natë e madhe në të cilën filloi zbritja e Kur-anit,ne sonte e kemi para nesh,d.m.th. sonte është nata e madhe e Lejlei-Kadrit.Nga kjo kuptohet se ne po i afrohemi ditëve të fundit të këtij muaji të zgjedhur.Këta ditë të shkëlqyeshme vëllezër besimtarë shumë shpejtë na kaluan,sepse sa u mësuam që sa më lehtë ti agjërojmë si me trup ashtu me shpirtë pra na afrohet koha që të ndahemi me mysafirin tonë të dashur.Vëllezër besimtarë! Besoj se të gjithë ne që ja kemi dhënë besën Allahut e kemi shfrytëzuar ket muaj duke bërë ibadete të ndryshme,por duhet të i shfrytëzojmë edhe ditët e ardhshme që na kanë mbet duke i kryer të gjitha obligimet siç janë: Manifestimi i natës së kadrit,dhënja apo shpërndarja e sadekatul-fitrave dhe dhënja e zekatit etj.Këto janë obligime të cilët kryhen ditëve të fundit të Ramazanit,sidomos sadekatul-fitrat të cilët i kemi për borxh-vaxhib ti japim deri sa nuk është falë namazi i bajramit.Sepse siç thotë pejgamberi s.a.v.s.në nji hadith: ”Kush e jep sadekatul-fitrin para namazit të bajramit,ajo është sadekatul-fitër i vërtetë i cili është i pranuar te Zoti xh.sh.,kurse kush e jep sadekatul-fitrin,pasi si ta fale namazin e bajramit,ajo është si me dhënë sadak të thjeshtë”.

Vllezër besimtarë! Pejgamberi s.a.v.s. thotë:”Sadekatul fitri ua pastron agjerimin nga fjalët e dobëta dhe të pa pëlqyeshme”.Për ate se ndoshta gjat muajit të Ramazanit kemi folur ndonjë fjalë që nuk është deshtë të flitet.Dhe në fundë vëllezër besimtarë! Këtë hytben e sodit do ta e përfundojm me hadithin e pejgamberit s.a.v.s ku thotë:“Agjerimi i Ramazanit rinë varët në mes tokës dhe qiellit,dhe nuk pranohet te Allahu xh.sh. deri sa nuk jipet sadekatul-fitri.”Kuptohet kjo vlen për ata njerëz të cilët kanë mundësi materiale që ti paguajn.Sepse Allahu xh.sh. nuk e ngarkon robin e vet me atë që ai nuk mundë ta baje.

Vllezër besimtarë! E lusim Allahun xh.sh.që të na ndihmon dhe të na shpërblen për çdo ibadet që e kryejm në emër të Tijë.Amin.

Xhelal ef. Xhemail:"Ramazani-Xhumaja e tretë"

Ramazani-Xhumaja e tretë
Hutbe: Nga Xhelal ef. Xhemaili

Falenderimet i takojnë Allahut.Krijuesit të botërave Vetëm Atij i falemi dhe vetëm Atij i kërkojmë ndihmë, që të na udhëzojë në rrugën e drejtë, në rrugën e së vërtetës.I falenderohemi Allahut Fuqiplot që na ka bërë myslimanë besimtarë,dhe që na bëri ummeti i Pejgamberit Muhamed (paqja dhe shpëtimi qofshin me të), i fundit pejgamber dhe i dërguar i Tij.Salatet dhe selamet qofshin mbi krijesën më të mirë Muhammed mustafan dhe familjen e tij të pastër,dhe mbi as-habët e zgjedhur.Allahu xh.sh qoftë i kënaqur me ne dhe me ata.
Vëllezër besimtarë!

Allahu Fuqiplot në Kur-an thotë: “E kjo, kjo është rruga ime e drejtë. Prandaj mbajeni këtë dhe mos pasoni rrugë të tjera, e të ndaheni nga rruga e tij”. (el-En'âm, 153)
Gjithashtu thotë:“Ndihmohuni mes vete me të mira dhe në të mbara, e mosni në mëkate e armiqësi. Kini dro dënimit të All-llahut, se me të vërtetë All-llahu është ndëshkues i fortë”. (Maide, 2)
Vëllezër besimtarë!

Sot jemi në xhumanë e tretë të muajit ramazan,pra në këtë muaj na mbetet edhe xhumaja e katërtë e fundit.Sot pra jemi duke agjëruar ditën e 19-të, të këtijë muaji.Pra që donë të thotë se gjendemi në dhjetë ditët e fundit të muajit të bekuar.Pejgamberi s.a.v.s. në këto ditët e fundit mundoheshte dhe bënte më shumë vepra te mira sesa në ditët tjera, për çka na njofton H.Aisheja r.anha. dhe thotë: "Pejgamberi s.a.v.s. angazhohej në dhjetë ditët e fundit (me ibadet dhe vepra të mira) jo sikurse ne ditët tjera". (Muslimi)
Këto dhjetë netët e fundit i ngjallte me ibadete të shumta,si me namaz,me dhikr,me lexim të kur'anit,etj. H.Aisheja na tregon për këtë e thotë: "Pejgamberi s.a.v.s. kur vinin dhjetë ditët e fundit të Ramazanit,i ngjallte netët (me ibadete),zgjonte familjen e tij prej gjumi,përpiqej (për ibadete të shumta),dhe shtrëngohej (për ibadet) si dhe largohej nga marrëdhëniet intime me gratë (e veta) ". (Muslimi)
Gjate këtyre netëve e zgjonte familjen e vet qe te falen dhe ta përkujtojnë Allahun Fuqiplot,nga dëshira e madhe për t'i shfrytëzuar në punë te hajrit këto net.
Ibni Rexheb El Hanbeliu ka thënë: ”Kur vinte dhjetëshi i fundit, Pejgamberi s.a.v.s., çdo anëtar të familjes së tij që kishte mundësi për t'u falur nuk e linte pa e zgjuar prej gjumit".
Pejgamberi s.a.v.s.kishte vazhduar te qëndronte ne i'tikaf gjate këtyre dhjetë ditëve derisa i kishte ardhur vdekja.Në dy zbirkat e vërteta të haditheve (Buhariut dhe Muslimit),nga Aisheja tregohet se: “Pejgamberi s.a.v.s. qëndronte ne I'tikaf gjatë dhjetëshit te fundit të Ramazanit derisa ia morri shpirtin Allahu xh.sh,ndërsa pas vdekjes se tij,gratë e tij qëndronin në i'tikaf".
Këtë nuk e bënte për tjetër gjë përveçse për t'u veçuar për ibadet-adhurim, për tu larguar prej problemeve ditore,si dhe për ta kërkuar Natën e Kadrit, këtë natë të madhe,e cila tek Allahu xh.sh. është më e vlefshme se sa një një mijë muaj.
Thotë Allahu xh.sh.në suren El-Kadër ajeti 3,: “Nata e Kadrit është më e vlefshme se një mijë muaj! (Kadër 3)
Kjo natë është shumë e vlefshme e rëndësishme dhe shumë e bereqetshme nga se në këtë natë filloi zbritja e Kur’anit famëlartë,melaiqet zbresin në qiellin e dunjas ,në tokë rreth njerzve.Zbresin për shkak se Zoti përcakton çdo çështje të vitit,e Ai nuk përcakton tjetër pos atë që është në të mirë të njerzve.
Në atë natë caktohen caktimet e krijesave për tërë vitin; shkruhen të gjallët dhe te vdekurit (caktohet kush lind e kush vdes),të lumturit e të dëshpëruarit,caktohet rizku (furnizimi) dhe exhelet.
Thotë Allahu xh.sh,“Në atë (natë) zgjidhet çdo çështje në mënyrë të prerë.".(Duhan 4)
Vëllezër besimtarë! Duhet dhe e kemi borxh ta pasosojmë pejgamberin tonë të dashur dhe të angazhohemi sa ma shumë gjatë këtyre ditëve dhe netëve me ibadete e vepra të mira.
Duhet ti shpeshtojmë duatë-lutjet tona,dhikrin,përuljen,sexhden e sidomos duanë,të cilën Pejgamberi s.a.v.s. ia mësoi h.Aishes r.anha kur ajo e patë pyetur: “O i dërguari i Allahut! Më trego nëse unë e dijë për një natë se ajo është Nata e Kadrit çfarë të lexojë në te?Pejgamberi i tha: Thuaj:“O Allahu im! Ti je Falës, e do faljen andaj më fal mua!!! (Ahmedi)
Në fundë të hutbes i drejtohemi Allahut Fuqiplot me lutje: “O Allahu ynë! Na mëshiro na begato dhe na beko për agjërimin e Ramazanit dhe na e mundëso faljen e gjynaheve në te,e sidomos faljen gjatë Natës së Kadrit dhe na bën fitimtarë dhe të pranuar pranë mëshirës Tënde të pakufijshme!Amin.

Xhelal ef. Xhemaili:"Ramazani-Xhumaja e dytë"

Ramazani-Xhumaja e dytë
Hutbe: Nga Xhela ef. Xhemaili
Në fillim të hutbes i falemenderohemi Allahut xh.sh.Krijuesit të gjithësis.Shpëtimi dhe paqa e Allahut xh.sh qoft mbi pejgamberin Muhammedin s.a.v.s. poashtu mbi familjen e tijë të pastërt dhe mbi shokët as-habët e tijë të sinqert,si dhe mbi të gjithë ata që e ndjekën dhe do ta ndjekin rrugën e resulullahit deri në ditën e gjykimit.Allahu xh.sh. qoftë i kënaqur me ne dhe me ata.Vëllezër besimtarë! Allahu xh.sh. në Kur’an në suren Ali Imran ajeti 191 thotë:
“Për ata që All-llahun e përmendin me përkujtim kur janë në këmbë, kur janë ulur, kur janë të shtrirë dhe thellohen në mendimie rreth krijimit të qiejve e të tokës (duke thënë):Zoti ynë, këtë nuk e krijove kot, i lartësuar qofsh, ruanaprej dënimit të zjarrit.” (Ali Imaran-191)
Vllezër besimtarë! Ditët e shkëlqyeshme dhe të shëndritshme,të cilët po i kalojmë,janë ditët kur muslimani sinqerisht mendon,janë ditët e ibadetit lutjeve dhe dhikrit.Kët muaj muslimanët e lartësojnë duke kënduar dhe duke ndëgjuar Kur’an dhe duke ndëgjuar vazu-nasihat për islamin dhe për bukurit e tijë të mrekullueshëm.
Vllezër besimtarë! Ramazani ndahet në tre pjesë,pjesa e parë,apo dhjet ditët e para janë mëshirë-rahmet i Allahut për njerzit.Dhjetë ditët e mesme janë magfiret –të falurit e gjynaheve nga ana e Allahut xh.për ne.Kurse dhjet ditët e fundit-mbarimi i Ramazanit është shpëtimi apo lirimi nga zjari i xhehennemit.
Vllezër besimtarë! Ramazani neve besimtarëve na i gjallëron shpirtërat dhe na i përforcon edhe më tepër zemrat tona,ne besimtarët bëhemi më të kujdesshëm sepse çdo punë të mirë që e bën besimtari në kët muaj shpërblehet nga Allahu xh.sh.shumfishë.Namazi që falet,Sadekatul-fitrat që ipen,poashtu, nga malli që jipet Zekat ,aty ku janë të porositur me Kur’an,sjellja e mirë humane në familje,sjellja e mirë me kojshit dhe në shoqëri,të gjitha këto na sjellin fitime-dobi të shumëfishta,nga ana e Allahut xh.sh.Vllezër besimtarë! Secili prej nesh ka mundësi të bën mirë sipas mundësive të veta,vetëm nëse dëshirojmë.Prandaj edhe duhet ti falemenderohemi Allahut xh.sh. që na ka bë muslimanë,dhe duhet të jemi krenar dhe të kënaqur nëse na ipet mundësia që dikujtë që ka nevojë ti ndihmojmë.Pejgamberi Muhammedi a.s. në një hadith thotë:”Të mira ka shumë,por të paktë janë ata që i punojnë”.
Vllezër besimtarë ! Kur është fjala për ndihmat materijale siç janë Sadekatul-fitri dhe Zekati është shumë me rëndësi se ku do të shpërndahen dhe për çfar qëllimi,sepse Zekati dhe Sadekatul-fitri janë detyra-obligime të domosdoshëm me karakter fetar-islam,dhe nuk mundë të ipen apo të shpërndahen ashtu neve si na mer mendja.
Vllezër besimtarë! Cdo njëri prej nesh duhet të mundohemi që të mbledhim sa ma shumë poena-pozitivë (pun të mira), sidomos në ket muaj të bekuar,dhe sa jemi gjallë në ket botë kalimtare,se nesër dot bëhet shumë vonë,nuk dot kemi mundësi,sepse në momentin e fundit të vdekjes secili do ti bëje lutje-dua Allahut xh.sh. që tia zgjate imrin-jetën edhe pak,por kot atëher dot jetë vonë.Prandaj vllezër besimtarë! Mos ta sjellim veten deri në këtë hallë,por duhet sa ma parë të bëjmë teobe-pendim të vërtetë,dhe gjithëher të punojmë ashtu si lyp feja islame prej nesh.Në fundë të hutbes e lus Allahun xh.sh. që të na mbron nga çdo gjë e keqe,dhe të na mbrojë nga shejtani i mallkuar,dhe inshaallah Allahu xh.sh. na i bën kabull të gjitha këto ibadetet që jemi duke i kryer vetëm për hir të Tijë.Amin !.